اپریل 18 2020
بیلجئیم یونیورسٹی کے استاد ’’ریچارڈ کیلہورڈ‘‘ نے حرم مطہر امام رضا علیہ السلام میں شہادتین کو زبان پر جاری کر کے دین ناب محمدی(ص) کو قبول کر لیا۔
اس نو مسلمان شخص نے کہا: حرم امام رضا (ع) بہت حیرت انگیز ہے یہ جگہ دوسری تمام جگہوں سے مختلف ہے میں یہاں پر بہت آرام و سکون کا احساس کر رہا ہوں گویا میں اس مقدس مقام پر فرشتوں کی آوازیں سن رہا ہوں۔
انہوں نے اپنے ایک ایرانی دوست کے ہمراہ حرم رضوی (ع) کے غیر ایرانی زائرین سے متعلقہ دفتر میں حاضر ہو کر دین مبین اسلام کے اصول اور بنیادی عقائد کے سلسلے میں مدیر دفتر سے وضاحت حاصل کرنے کے بعد شہادتین کو زبان پر جاری کیا۔ More
اپریل 26 2020
جنوبی افریقہ کے سنی عالم دین نے ۱۲۱ افراد کے ہمراہ شیعہ مذہب قبول کر لیا
جنوبی افریقہ کے شیعہ پورٹ الزبتھ سے تعلق رکھنے والے اہل سنت کے عالم دین مولانا ابراہیم محمد نے حالیہ دنوں اہل بیت اطہار(ع) کے مذہب کو اپناتے ہوئے اپنے شیعہ ہونے کا اعلان کر دیا ہے۔
سعودی عرب میں امریکی صدر ڈونلڈ ٹرمپ کے حالیہ دورے اور خادمین حرمین کی جانب سے اس کے پرتپاک استقبال میں پیش کئے گئے غیر اسلامی کردار کے بعد جہاں دنیا کے اکثر مسلمان اس ملک سے متنفر ہوئے ہیں وہاں کئی اہل سنت نے اپنے مذہب کو چھوڑ کر شیعہ مذہب اختیار کرنا شروع کر دیا ہے۔
موصولہ رپورٹ کے مطابق، جنوبی افریقہ کے شیعہ پورٹ الزبتھ سے تعلق رکھنے والے اہل سنت کے عالم دین مولانا ابراہیم محمد کہ جنہوں نے ۸ سالہ مصر کی یونیورسٹی الازہر اور ایک سال مکہ مکرمہ میں دینی تعلیم حاصل کی نے حالیہ دنوں اہل بیت اطہار(ع) کے مذہب کو اپناتے ہوئے اپنے شیعہ ہونے کا اعلان کر دیا ہے۔
اطلاعات کے مطابق، مولانا ابراہیم محمد شہر پورٹ الزبتھ میں بیس سال سے اہل سنت کی مسجد میں امامت کے فرائض انجام دے رہے تھے ان کے شیعہ ہونے کے ساتھ ساتھ مزید ۱۲۱ افراد نے بھی مذہب حقہ کو قبول کر لیا ہے۔
رپورٹ کے مطابق، مولانا موصوف نے گزشتہ شب ڈربن کی شیعہ مسجد امام حسین(ع) کا دورہ کرتے ہوئے مسجد میں منعقدہ ایک پروگرام سے خطاب کیا اور مذہب اہل بیت(ع) کو قبول کرنے کی وجوہات پر روشنی ڈالی جبکہ مسجد امام حسین(ع) کے امام راتب حجۃ الاسلام و المسلمین مولانا حسین عباس ترابی سے ملاقات اور گفتگو بھی کی۔
واضح رہے کہ جنوبی افریقہ میں ہزاروں ایسے مسلمان بشمولیت علمائے دین پائے جاتے ہیں جو باطنا شیعہ مذہب کے قائل ہو چکے ہیں لیکن بظاہر کسی مناسبت وقت کا انتظار کر رہے ہیں تاکہ کھلے عام پیروان اہل بیت(ع) کی صف میں شمولیت کا اعلان کر سکیں۔
By urdu • مستبصرین میگزین • 0 • Tags: جنوبی افریقہ, سنی عالم, مستبصرین, مولانا ابراہیم محمد